Ұлытау облысының әкімі Дастан Рыспеков өңір тұрғындарын жеке мәселелері бойынша кезекті рет қабылдады.
Қабылдау барысында бес өтініш қаралды. Тұрғындар көше атауын беру, мектеп құрылысы, тұрғын үйлердің қасбетін жөндеу, көші-қон мәселелері, өтемақы алу және жер телімін рәсімдеу бойынша өз сұрақтарын жеткізді.
Облыс әкімі көтерілген мәселелердің барлығы заң талаптарына сәйкес жан-жақты әрі мұқият қаралуы тиіс екенін атап өтті. Осыған байланысты жауапты басқармалар мен қала және аудан әкімдеріне нақты тапсырмалар берілді.
Айта кетейік, облыс әкімінің қабылдауына 8 710 2 60 02 96 нөмірі арқылы немесе E-otinish ақпараттық жүйесі арқылы жазылуға болады.