Жезқазғанда «Үздік киіз үйі» және «Ұлттық салт-дәстүрлер» сайысы өтті
Жезқазған қаласындағы «Жігер» дене шынықтыру және сауықтыру кешенінде 20 қаңтар күні Наурыз мейрамына арналған «Үздік киіз үйі» және «Ұлттық салт-дәстүрлер» сайыстарының ашылу салтанаты өтті.
Салтанатты ашуда сөз алған Ұлытау облысының дене шынықтыру және спорт басқармасының басшысы Марат Айдашев мерекелік құттықтауын жолдап, спортшылар мен қатысушыларға сәттілік тіледі. Сонымен қатар, үлкендердің батасы мерекенің рухын одан әрі көтерді.
Сайыс аясында өңіріміздің спорт мекемелері мен мәдени ұйымдары ұлттық дәстүрлер мен өнерлерін көрсетіп, киіз үйлер мен салт-дәстүрлерді дәріптеді. Қазылар алқасы келушілердің таланты мен шығармашылығын әділ бағалады.
Қатысушылар мен қазылар алқасының шешімімен «Үздік киіз үйі» және «Ұлттық салт-дәстүрлер» сайыстарының жеңімпаздары анықталды. Шара соңында барлық қатысушыларға алғыс білдіріліп, мерекелік көңіл-күймен тарасты.
Наурыз мерекесі аясында ұйымдастырылған бұл іс-шара қазақ халқының бай мәдениетін дәріптеп, ұрпақтар сабақтастығын нығайтып, рухани жаңғыруға үлес қосты.