Жезқазған қаласында «Ұлытау» қайырымдылық қоры 17-ші баспананың сертификатын жалғызбасты бес баланың анасына табыстады. Бұл игі шара әлеуметтік қолдауды қажет ететін отбасыларға көмек көрсету мақсатында жүзеге асырылып отыр.
Қайырымдылық қоры тарапынан берілген баспана – отбасының тұрмысын жақсартып, балалардың жайлы жағдайда өмір сүруіне мүмкіндік береді. Осындай қолдаулар қоғамдағы әлеуметтік жауапкершілікті арттырып, мұқтаж жандарға нақты көмек көрсетуге бағытталған.
Айта кету керек, «Ұлытау» қайырымдылық қоры өңірде қайырымдылық шараларын жүйелі түрде өткізіп, көптеген отбасыларға қолдау көрсетіп келеді.