«Жаңартылған Конституция – әр азамат үшін» тақырыбында Ұлытау ауданының Қарсақбай кентінде тұрғындар арасында ақпараттық-түсіндіру акциясы өтті.

Іс-шараның басты мақсаты – Қазақстан Республикасының жаңартылған Конституциясының мәні мен маңызын кеңінен насихаттау, енгізілген өзгерістер мен толықтырулар жөнінде түсінік беру, сондай-ақ азаматтардың құқықтық сауаттылығын арттыру.

Акция барысында кент тұрғындарына арнайы әзірленген ақпараттық буклеттер таратылып, Ата Заңдағы негізгі жаңашылдықтар, азаматтардың құқықтары мен міндеттері туралы жан-жақты түсіндірме жұмыстары жүргізілді.

Сонымен қатар тұрғындардың сауалдарына нақты жауаптар беріліп, құқықтық тақырып аясында ашық пікір алмасу ұйымдастырылды. Мұндай бастамалар қоғамда құқықтық мәдениетті қалыптастырып, заң үстемдігін нығайтуға бағытталған.