Ұлытау облысында Open Air Senbilik өтті
«Таза Қазақстан» акциясы аясында Ұлытау облысында фестиваль форматындағы сенбілік ұйымдастырылды. Іс-шараға жергілікті мекеме қызметкерлері мен тұрғындар белсенді қатысты.
Сенбілікке 300 адам жұмылдырылып, 6 арнайы техника тартылды. Нәтижесінде 5 гектар аумақ тазартылып, 77 тонна тұрмыстық қалдық шығарылды.
Іс-шара тек тазалық жұмыстарымен шектелмей, спорттық және мәдени бағдарламалармен жалғасты. Қатысушылар үшін түрлі белсенділіктер ұйымдастырылып, көңілді атмосфера қалыптасты.
Сенбілік соңында белсенді қатысушылар марапатталып, қала кәсіпкерлері де қолдау көрсетіп, сусындар таратты.