Жезқазған қаласында референдум өтетін күні тұрғындарға қолайлы жағдай жасау мақсатында қоғамдық көліктер тегін қызмет көрсетеді. Бұл туралы қала әкімдігі хабарлады.
Аталған күні қала ішіндегі барлық автобус бағыттары жолаушыларды ақысыз негізде тасымалдайды. Бұл шара тұрғындардың референдумға кедергісіз қатысуына және сайлау учаскелеріне ыңғайлы жетуіне мүмкіндік жасауға бағытталған.
Қала тұрғындары мен қонақтары қоғамдық көлікті күні бойы тегін пайдалана алады. Қоғамдық көлік әдеттегі кесте бойынша қатынап, жолаушыларға қызмет көрсетеді.
Айта кетейік, мұндай бастама азаматтардың қоғамдық-саяси науқанға белсенді қатысуын қамтамасыз ету және тұрғындарға қолайлы жағдай жасау мақсатында ұйымдастырылып отыр.