Ұлытау өңірінде 1973 жылы туған азаматтар туған жерге деген құрметтің жарқын үлгісін көрсетті. Олар бірігіп, 73 түп ағаш отырғызып, елге, жерге деген жанашырлықтарын нақты іспен дәлелдеді.
Бұл бастама – тек көгалдандыру жұмысы ғана емес, ұрпаққа үлгі боларлық тағылымды іс. Егілген әрбір көшет – өткенге тағзым, келешекке аманат. Табиғатты қорғау мен туған өлкені көркейтуге бағытталған мұндай игі шаралар қоғамда экологиялық мәдениетті қалыптастыруға ықпал етеді.
Ұйымдастырушылардың айтуынша, бұл бастама алдағы уақытта да жалғасын табуы мүмкін. Ал отырғызылған ағаштар уақыт өте келе тамыр жайып, Ұлытаудың көркіне айналары сөзсіз.